ÖryggisvarnirÖnnur tæki  

Gæða öryggisgrindur, gátskildir og keilur til sölu og leigu.

Hafið samband í síma 565-4646 eða 660-1705 fyrir nánari upplýsingar.

 

RafstöðvarÖnnur tæki  

Armar Vinnulyftur bjóða upp á breytt úrval af rafstöðvum allt frá 1 kw til 160 kw. Rafstöðvar sem eru yfir 15 kw eru allar í hljóðeinangruðum kössum og því afar hljóðlátar. Allar rafstöðvarnar eru með úrtökum fyrir 220v/16A og 3x380v  16/32/63A og einnig er hægt að beintengja stærri rafstöðvarnar.
Til að finna út orkuþörf má miða við að borvél tekur um 0,5 kw, steypuhrærivél um 2 kw, meðalstjór byggingakrani um 70 kw. Einnig er að sjálfsögðu alltaf hægt að hafa samband við starfsmann Arma Vinnulyftna og fá aðstoð við að áætla orkuþörf/stærð rafstöðvar. Rafstöð þarf að vera um það bil þrisvar sinnum stærri en rafmótor tækis sem verið er að nota.
Athugið að allar rafstöðvar þarf að jarðtengja með jarðskauti.

JarðvegsþjöppurÖnnur tæki  

Armar Vinnulyftur bjóða upp á jarðvegsþjöppur : 70 kg, 100kg, 200 kg, 350 kg, 450 kg, 500 kg, 650 kg og 750 kg.
Minnsta þjappan er svokallaður hoppari og er þjöppunardýpt hans ekki nema um 20 cm. 350 kg þjappan er með þjöppunardýpt upp á 80 cm og 750 kg þjappan er með þjöppunardýpt upp á 90 cm. Allar þjöppurnar eru með titringsvörn í handfanginu og 350 kg þjöppur (og stærri) eru með rafstarti.

LoftpressurÖnnur tæki  

Armar Vinnulyftur bjóða upp á loftpressur á kerrum sem dregnar eru á bílum. Tvær gerðir eru í boði. Sú minni er 7 bör (2,4 m3 og 40 l/s) og sú stærri er 10 bör (3,7 m3 og 63 l/s). Pressurnar eru knúnar áfram af díselvél sem er með rafstarti. Á báðum gerðum fylgir loftslanga á kefli sem er 25m löng. Einnig er hægt að fá viðbótarslöngur ef með þarf. Hægt er að fá loftpressu með járnstút sem meðal annars er notaður til að þrífa klappir og annað yfirborð.

Hitablásarar & rakatækiÖnnur tæki  

Armar Vinnulyftur bjóða upp á töluvert úrval af rafmagns- og hitablásurumsem ganga fyrir olíu. Má þar nefna 5 til 15 kw rafmagnsblásara, 44 til 69 kw olíublásara, ásamt 43 kw olíuhitara sem ætlaður er til að hita upp staðbundið svæði. Einnig eru rakatæki í boði sem þurfa 16 ampera þriggja fasa tengil.

Cladman sogskálarÖnnur tæki  

Armar Vinnulyftur bjóða upp á sogskálar til hýfinga á þak- og veggeiningum sem og gleri. Burðargeta allt að 800 kg.

EiningavelturÖnnur tæki  

Armar Vinnulyftur bjóða upp á einingaveltur til að snúa við þungum þak- og veggeiningum. Þær geta snúið við einingum sem eru allt að 13 m á lengd og 800 kg að þyngd.

VöruhúsatækiÖnnur tæki  

Armar Vinnulyftur bjóða upp á ýmis vöruhúsatæki. Þar má helst nefna hefðbundnar gaffalframlengingar, pallettutjakka, rafmagns pallettutjakka sem hægt er að standa á og ferðast með sem ná upp í 2,4m hæð, gámasliskju og vöruhúsalyftara með myndavél sem nær upp í allt að 10m hæð.

LjósamösturÖnnur tæki  

Armar Vinnulyftur bjóða upp á tvær gerðir af ljósamöstrum. Annars vegar ljósamastur sem er á dekkjum sem hægt er að færa með handafli. Það ljósamastur þarf hefðbundna innstungu með 16 A öryggi og er með 4 x 400 watta kösturum. Hins vegar er í boði stærra ljósamastur sem er með beisli og hægt að draga á bíl. Það ljósamastur er með lítilli rafstöð sem gefur, auk þess að knýja ljóskastarana, 5 kw straum. Ljóskastarar á þessu mastri eru 4 x 1.000 wött.

HáþrýstidælurÖnnur tæki  

Armar Vinnulyftur bjóða upp á mjög vandaðar háþrýstidælur frá Falch sem er eitt þekktasta merki í dælum fyrir atvinnumenn í heiminum. Boðið er upp á 100 bar rafmagnsdælur sem hægt er að stinga í samband í hefðbundna innstungu með 16 A öryggi. Einnig er boðið upp á 200 bar rafmagnsdælur fyrir 3x380V 16 A innstungu og 200 bar dælu sem drifin er áfram af bensínmótor.