Fréttamaður Vísis kom og tók Þorleif Elíasson (Leifa) sölustjóra Arma Móta og krana ehf. tali.
„Armar Mót og kranar leigja út steypumót og undirslátt frá Peri, sem er einn stærsti framleiðandi steypumóta í heiminum. Einnig leigjum við út byggingarkrana, bæði sjálfreisandi og svokallaða T-krana,“ útskýrir Þorleifur.
En þjónustan stoppar ekki þar. „Við seljum líka mikið af vörum sem tengjast steypu, t.d. mótaborð, kóna, rör, mótaolíu, járnabakka og fleira. Okkar styrkur liggur í því að geta útvegað meira og minna allt sem þarf þegar kemur að uppslætti og steypuvinnu. Þú þarft í raun bara að koma á einn stað.“
Það er einmitt þessi „allt á einum stað“ nálgun sem hefur reynst mörgum verktökum dýrmæt, sérstaklega þegar tími og skipulag skipta sköpum.
Sjá greinina í heild sinni inná Vísi:
Traustur samstarfsaðili í byggingariðnaði – Vísir
